Cустрэча са старшынёй Брэсцкага абласнога аддзялення Саюза пісьменнікаў Беларусі Таццянай Анатольеўнай Дземідовіч

У межах Тыдня бацькоўскай любові прайшла цікавая і запамінальныя сустрэча ў ДУА "Сярэдняя школа в.Скокі" са старшынёй Брэсцкага абласнога  аддзялення Саюза пісьменнікаў Беларусі Таццянай  Анатольеўнай Дземідовіч; беларускай паэткай, празаікам, драматургам Зінаідай Іосіфаўнай Дудзюк;

музыказнаўцам, паэтэсай Ірынай Барысаўнай Морых;

кандыдатам філалагічных навук, дацэнтам, выкладчыкам ІРА Уладзімірам  Адамавічам Сенькаўцом.

Асноўная мэта мерапрыемства - нагадаць грамадзянам пра важнасць зберажэння сямейных каштоўнасцяў і сямейных традыцый, пра значнасць увагі, якая праяўляецца ў адносінах да сваіх дзяцей бацькамі. 

Бо што галоўнае ў жыцці кожнага чалавека? Канешне, сям'я. У Рэспубліцы Беларусь падтрымка сям'і з'яўляецца нацыянальным прыярытэтам. Госці навучальнай установы вялі гутарку пра духоўнасць, культуру, сямейныя каштоўнасці. У актавай зале панавала атмасфера поспеху і паразумення. Навучэнцы ўважліва слухалі выступоўцаў, адказвалі на пытанні пісьменнікаў, самі пыталіся пра тое, што іх хвалюе і цікавіць.

 

Шчырымі апладысментамі прысутныя выказалі сваю ўдзячнасць паважаным гасцям. Спадзяемся: сустрэча пакінула добры і незабыўны след у сэрцах усіх, хто на ёй прысутнічаў. Няхай гэты кастрычніцкі плённы дзень прынясе мір, дабро і любоў у кожны бацькоўскі дом.